عذراً سيتم إغلاق المنتدى للأبد

[الراسي]

السلام عليكم ورحمة الله وبركاته

من خلال صفحات هذا المنتدى ومن بين اروقته

تعرفنا بكم وتعلقت قلوبنا فيكم وبالمنتدى

حتى من رحل عنا او لم يكتب موضوع كفايه انه سجل بالمنتدى و شفنا اسمه معنا

مايزال بعضهم يتصفح وعن بعد وينظر الينا بخفيه

وبعضهم عاد الينا من جديد وباسماء جديده

فليس من السهل علينا جميعا ان نفارق من نحب

وان نترك مكانا الفته قلوبنا وعشنا فيه لحظات مرحه وفرحه

فمهما يكن يضل هذا المكان جزء من عالمنا الخاص ( العالم المجنون )

فيه لنا ذكريات

فكل جدران المنتدى تسطر لنا احرف كتبناها ونثرناها

لو اتى يوم وعند محاولتك الدخول الى المنتدى

قرأت هذه العباره

(((((عذراً .. المنتدى مغلق للأبد !))))

كيف يكون شعورك ؟؟

وان ماكتبناها ونثرنا في صفحاته كل مالدينا من فكر ووقت لانعلم اين هي ؟؟

حتى اننا حٌرمنا منها كذكريات نتصفحها فقط ؟؟

مشاعرك وانت تفارق اسره كبيره عشت معها بكل احاسيسك وشنو راح بيكون احساسك؟؟

تحياتي
الراسي

[الـبـنـدري]

والله يالراسي يكفي العنوان يعور القلب

اكيد يصعب علينا الفراق

لان الفراق طول عمره مر

وكونا صداقات بهالمنتدى وصرت ماعاد اقدر استغني عنهم

واليوم اللي طورو فيه المنتدى حسيت بملل غير طبيعي ومغير اتصفح من موقع

لموقع واحس اني ضايعة بدون منتدى حياتي

بس لو فكرنا بالعقل مصيرنا بيوم من الايام نفترق لان هذي هي سنه الحياه

بس يكفي الذكريات الحلوه اللي جمعتنا فيكم

[ملكه بكبريائي]

صباح الخير

اخوي الراسي

ويعطيك الف عافية على الموضوع

والله بالنسبة لي الفرقا صعبة

وقد صارت لي في منتدى قبل كذا غالي على قلبي

وكنت مااستغنى عنه لدرجه الجنون

بس قطعته لسبب

بس والله ندامه اني تعلقت في منتدى قد كذا

لان بجد نفسيتي في هذيك الفترة بدت تتغير كثير

واثرت في حياتي بقووة

بس الحمدلله هي فترة وعدت

والحين احنا في منتدى حياتي

واحلى منتدى

والله لايغير علينا

واكيد بضايق اذا شفت هذا الموضوع

لاني حسيت اني بين اخواني وصعبة افارقهم بسهوله


اسفه على الاطاله

ويعطيك مليون عافية

وعساك على القوة

:)

[عنفوان بدويه]

لاحو ولا قوه الا بالله




شنو تبي اسوي فيك؟



ياخي فال الله ولا فالك عليك فال مثل وجهك <<< زعلانه




بالنسبه لي هالمنتدى يعني لي كثير واتوقع انك اكثر واحد
تعرف شنو يعني لي حياتي



الناس الطيبه هنا والرفقه الحلوه والعشرة اللي حصلت بينا ماتهون
الا على الردي وقليل الخاتمه فمن جد راح اندم فوق ماتتصور لو خسرتكم






مشكور ع الطرح ولاتعودها فديتك هههههه




تحيتي

[الراسي]

البندري

سلااااااااااااااااااااااااااامت قلبج

ملكة كبريائي

الله يبعد الفراااق والندم


عنفوااان

:045:

لاتعليق الصوره اوضح تعبير عني

شكرا لتواجدكم

[هــيــونــه]

Nice mawthoo3 .. bs sh3or baye5 cuz ra7 nafqed ash5a9 3n jad yst7qon kil e7teram o taqder

thank

[مشاعر بلا حدود]

الراسي ما اقدر اجاملك واقول ان موضوعك حلو هههه جايبه صجي انا لان منتدي حياتي يمثل نقطه مهمه في حياتنا كافي تعرفنا علي اناس نحترمهم ونقدرهم وصرنا تقريبا مثل الاهل وبقول نقطه بالحب عمر الانسان ما يقدر يفترق عن اللي يحبهم ويحبونه حتي لو اغلق منتدي يفتح اخر باسم حياتي فالحب هو اللي جمعنا وهو الذي جعلنا نستمر

تحيتي لك
مشاعر بلا حدود

[الراسي]

شكرا لردودكم المعبره

وآسف اذا كان العنوان مزعج للبعض

غريبه توه يرد ع الموضوع<<<<<<<<<<<< ادري اغلب الاعضاء بيقولو هالكلام

بس انا اثناء البحث وجدت شي غريب بالموضوع مفارقه عجيبه ورب البيت بالنسبه

لي وان شاءالله اني استفيد من هالشي اللي لفت انتباهي لأني بحاجه له


وبالمره قلت ارفع الموضوع واحرق اعصابكم بعنوان الموضوع <<ماكو شغل اجازه

تحياتي لكم
الراسي

[نور العين]

حسيت بالملل قلت ادش المنتدى

واقرا المواضيع ..... ما دري اشلون

جت لي فكره اني انزل بسرداب المنتدى

وادور بـ لارشيف واقرا المواضيع القديمه

وانا اتصفح بالمواضيع والكتب وانتقل بين الاقسام

شفت هذا الموضوع وعجبني ............

لما شفت اسم الكاتب .. الراسي عبد المعطي عبد الدايم

قلت خلاص... وجدتوهااا... وجدتوهااااا

وقريت الموضوع وعجبني .. لان كان رائع مثل الكاتب


بصراحه مدري كيف ببدأ بالموضوع لأني حزينه جداً على فراق


بعض الاعضاء .. لكن بعض الأحيان تواجههم


ظروف تكون أكبر من إن يتخطونهااا .. لكن


صفحاتهم تنطوي مليئه بالذكريات الفرحـه.. تمتزج بها مشاعر


مختلفـه.. مختلطـه بتلك الضحكه والابتسامه جميله من مقلب عضو



او دمعه سقطت من وراء شخص فقدناه... لسببا مااااا


صفحة تنطوي .. مع أشخاص عايشناهم و عرفناهم وعرفونا ....


تبادلنا معهم أطراف الكلام .. استمتعنا بمواضيعهم و مشاركاتهم


سعدنا برقي تفكيرهم وتعاملهم...


أشخاص أصبحوا جزء من حياتنا اليوميه.. اهتمينا لاأمورهم ..


واقلقنا لحزانهم وهمومهم.. وفرحنا لفرحهم ونجاحهم ...


صفحه تنطوي .. تبقى خـالـده في ذاكرتنا.. تبقى فيها ذكراهم


وذكراهم معزوفه لحن حمل معنى الصداقه والحب لهـم

في قلبوبنا ،،،


وفي آخــر الصفحه كلمه تقال قبل أن نطويهااااا ....


افتقدناكم ونتمنى رجوعكم ..


جمعتنااا بكم.... الحب والصداقه


و إن شاء الله ... نراكم بالحب والوفاء


اما بنسبه لاغلاق المنتدى .. رح يحزني كثييير

وبلاخص اذا تعرفت على ناس طيبين بهذا المنتدي

احس اني فقدت شي كبير بحياتي ......

الراسي .. الله لايجيب الفراق .. ترى الفراق يذبح وايد صعب

وخاصه اذا كان فراق ناس عزيزين عليك بالمنتدى

الله لايجيب الفراق بدرب المسلمين ..... وبدرب المحبين

الف شكر لك على ع الموضوع .. اللي كان عليه غبار

وانا نظفته لك من الغبار .......

تحياتي

[السلطان]

كح كح كح كح

شهالمواضيع الروعه الراسي ( أول مره أقرا )

الراسي تدري لو يقفل المنتدى شيصير







نفتحه مره ثانيه ولا أننا نبقى نعاني من البعد

لكن أذا أبتعدنا عن بعضنا نلقى العزاء في الأسباب أذا كانت مقنعه

وفيه وسائل اتصال كثيره لو بالذكرى الطيبه ( وهو أقل الأيمان )

نواره لاتروحين الأرشيف خايف عليج من ألتهاب الرئه ههههههه

[البرنس]

يوووووووووووووووووه

نواااااااااااره

موضوووع الراسي هذا انا هاااااااج عنه من اول ما نزله وين طلعتيه ههههههههههههه

ع العموووووم الفراق شيء لابد منه شئنا ام ابينا والدليل الايام بالامس مع غيركم واليوووم معكم فديتكم وبكره الله العالم مع منوا وجايز نكون بروحنا بعد بحفرة القبر
والعياذ بالله

لعد تعودينها وتنبشين ترى التنبيش يسبب ربو حسب ما افاد به السلطان خخخخخخخخخ

تحيتي

[الراسي]

http://www.alqabas.com.kw/Final/NewspaperWebsite/NewspaperBackOffice/ArticlesPictures/9-4-2008//380035_060005_small.jpg

يمنع دخول مرضى الربو على هذا الموضوع



أبوووووووووووك يالغبار

نور العين

ما علاقة الطبيعه والانترنت

صحيح امس الجو غباااار بشكل مو طبيعي مع عواصف لاكن هل اثرت العواصف على المواضيع ؟؟؟



كل يوم نزلي السرداب

فديتج منوره السرداب ههههههههههه

والله يبعد عنا وعنكم شر الفراق

السلطان

ماتشوف شر المفروض لابس كمام قبل لاتدخل على هالموضوع هههههههههه

البرنس

المكتوب لك بتشوفه والله وهالموضوع مكتوب لك يعني غصب تشوفه ههههه بس حافظينه لك بالسرداب وماقصرت نواره طلعته لك ههههههه

[نور العين]

هههههههههههههههههه

السلطان ........ لاتخاف علي من الربو ..

عمر الشقي بقي ...........

[نور العين]

الراسي ............

السرداب منور بمواضيعك ......

ياني شفت مواضيع .... حسافه عليهم غبار ...

وبعديين ليش مو مركبين ليت تحت ظلمه ...

يبيلك مفتش ينبش بجميع سراديب الاقسام .. وينظفهم

من الغبار ..... ابشرك ما عندي ربو .... عندي تنك

خخخخخخ
ترى التنك العصير مو المرض خخخخخخخخخ

[الراسي]

نور العين

الله يبعد عنا وعنج شر الامراض

وخلال هاليومين <<<<<<<< بتوحشينا

خليج بالسرداب ونبشي عن مواضيعي عشان تزيدينها جمالا بردودج

[نور العين]

هههههههههههههههههه

مأدرش لو اادر من عيوني

فرمانات عسكريه فديتك

ان شاء الله كل ما شفت فرصه عندي نزلت بسردابكم
خخخخخخخخخ